O programa de Vento Lois chegará a unha ducia de localidades

Monforte, A Coruña, Madrid, ou París. Ata doce localidades participarán nos actos de Vento Lois, a convocatoria a homenaxear a Pereiro de xeito simultáneo o vindeiro 12 de maio ás 20 horas. Aínda que o programa varía nos diferentes lugares, na maior parte dos casos realizarase a lectura do Manifesto Loisista, composto a partir de fragmentos da Modesta proposición para renunciar a facer xirar a roda hidráulica dunha cíclica historia universal da infamia, de Pereiro, e incluirá asimesmo lecturas de poemas do autor.