Celso Emilio Ferreiro, Curros Enríquez, Méndez Brandón e Castor Elices comparten o denominador común de ser poetas e ter nacido en Celanova. Pero tamén son algúns dos escritores que fan parte do itinerario urbano que se está a poner en marcha nesta localidade. Chámase Poetas na rúa e colocará 14 paneis con citas deses escritores nas que fan referencia ao lugar no que se van instalar. De xeito paralelo, a Fundación Curros desminte a información publicada en Xornal hai uns días, na que se afirmaba que a contrución da autovía destruía unha parte do Roteiro currosaliano. É máis, a Fundación explica que no momento de presentación do trazado desa autovía presentaron alegacións que foron aceptadas e que agora están a espera de que rematen as obras para continuar coa promoción deste itinerario polo que pasan ao ano 2.000 estudantes.
