A Xunta declara novas festas de interese turístico

Ter máis de dez anos de existencia, a súa singularidade e o valor cultural destas festividades acaban de valerlle a catro feiras que se celebran no país a etiqueta de “festas de interese turístico de Galicia”. Son a festa romana Arde Lucus, a Feira de Samos, o Corpus Christi con alfombras florais de Ares (A Coruña) e a Festa Gastronómica do Galo de Curral de Vila de Cruces (Pontevedra). O Consello da Xunta aprobou onte este recoñecemento que ten, segundo a nota de prensa remitida polo goberno, “importantes repercusións sobre a dinamización económica e social da localidade onde se celebra”.