Unha xornada en Lugo aborda a relación entre cultura e territorio

A tradición oral, o patrimonio ou a arquitectura son algúns dos temas que se abordarán o vindeiro sábado 30 na xornada Cultura e Territorio. O encontro, organizado por ADEGA en colaboración coa Deputación de Lugo contará coa presenza de Antonio Reigosa, Carlos Taibo ou Manuel Gallego Jorreto entre outros. Tres mesas redondas e unha conferencia compoñen un programa que se insire na campaña Ponte no medio, móvete polo territorio da organización ecoloxista.