A Mesa pola Normalización Lingüística está estes días de felicitación por un dobre motivo. Aos vinte e cinco anos que acaba de cumprir, súmaselle o premio Rosalía que concede a Deputación da Coruña. Trátase dun premio honoríco, que non ten dotación económica, e que recoñece a súa “traxectoria a prol da normalización da lingua galega en moitos ámbitos sociais e públicos”. A entrega do galardón terá lugar o vindeiro 7 de maio durante a IV Festa da Lingua que este ano se celebra en Carballo.
