Manuel Guede gaña o Rafael Dieste pola obra A función do tequila

En 1938, Castelao acode a Nova York para lograr apoio económico para a II República. Unha viaxe que a CIA investigou e que lle serviu a Manuel Guede para mesturar investigación histórica e ficción na súa última obra. A función do tequila acaba de ser recoñecida co premio Rafael Dieste de teatro convocado pola Deputación da Coruña. O premio está recoñecido con 6.500 euros, a publicación do texto e a súa representación por diferentes escenarios da provincia.