Como mil cachiños de vidro que a dor escurece é o tÃtulo da obra coa que o escritor e director teatral Roberto Salgueiro acaba de gañar o XVII Premio de Teatro Rafael Dieste. O xurado do galardón que convoca a Deputación da Coruña valorou a "potencia da súa escrita, expresada no ambiente, ton e confección de personaxes, polo que constitúe unha aportación singular ao repertorio da literatura dramática galega" asà como que o texto resulta "absolutamente factÃbel para a súa representación". O premio está dotado con 6.500 euros e mais a publicación da obra a cargo da propia Deputación.
O xurado desta edición de premio estivo composto polo autor, director e actor Cándido Pazó, as actrices Belén Constenla e Mónica GarcÃa, o Profesor de Arte Dramático Óscar Codesido e o xornalista Alfonso Hermida, co actor e dramaturgo Xoán Mexuto como comisario e presidido polo deputado responsable da área de Cultura, Xosé Regueira.
