A Deputación de Lugo investirá 880.000 euros en rehabilitar edificios singulares

Os centros da Rede Museística Provincial, a cadea de Sarria, a sala de exposicións de Porta Miñá, a escola habanera de San Miguel de Reinante e o Círculo das Artes de Lugo sufrirán en breve obras de rehabilitación. A área de Cultura da Deputación destinou a mellorar o estado destes espazos un total 880.000 euros, fondos procedentes dos remanentes do orzamento da Deputación de Lugo. No Museo de Lugo as obras pretenden consolidar o claustro, no de San Cibrán a actuación ampliará o espazo do centro, e no Pazo de Tor acondicionaranse os alpendres para que acollan fondos da biblioteca, mentres na Cadea de Sarria e na escola de San Miguel adaptaranse os edificios para funcións culturais.