O 1% Cultural financiará a recuperación do xardín botánico de Padrón

O Xardín Botánico-Artístico de Padrón, situado na propia alameda da vila, recibirá un investimento de 152.116 euros a cargo do 1% Cultural. A comisión mixta entre o Ministerio de Fomento e mais o de Cultura decidiu financiar os traballos de rehabilitación deste espazo, que inclúe delimitación e feche de varios espazos, reordenación das árbores e plantas presentes no conxunto, e sinalizar as especies entre outras actuacións. O Xardín está declarado Ben de Interese Cultural.