Un total de 350.000 euros é o prezo que o Concello de Ferrol pagou pola casa natal de Ricardo Carvalho Calero. A adquisición do inmoble do filólogo e escritor permitirá iniciar nas vindeiras semanas os traballos de limpeza e conservación do mesmo. A intención municipal é instalar un centro cultural e unha biblioteca neste espazo. Os traballos de rehabilitación estenderanse aos dous predios anexos, tamén adquiridos polo Concello. As actuacións no conxunto contan cun orzamento de 198.000 euros.
