Os eventos para celebrar o centenario de Carvalho Calero comezan este ano en Ferrol coa publicación do libro documental Carvalho Calero, de Ferrol para o mundo. Imaxe de cen anos. A obra percorre polo miúdo a biografía deste filólogo e literato, achegando numerosas imaxes e documentos. O vindeiro día dezaoito abrirase unha grande exposición que recolle boa parte deste material no centro cultural que leva o nome de Carvalho. Ademais, o Concello anunciou que investirá 80.000 euros en intervencións de urxencia na casa do escritor. As obras, que comezarán como moi tarde a comezos de febreiro pretenden deter o avanzado deterioro do inmoble.
