Unha doazón consolida o proxecto da Casa Museo de Manuel Antonio

A Casa Museo de Manuel Antonio abrirá en Rianxo a vindeira primavera, segundo anunciou onte o alcalde desta localidade, Pedro Piñeiro. O adianto fíxose durante a recepción dunha importante doazón de fondos relacionados co poeta rianxeiro. A sobriña do finado achegou á futura casa museo material entre o que se atopan setenta placas fotográficas realizadas polo propio poeta, así como catro cachimbas, fotografías e cartas entre outros obxectos. A futura Casa Museo pretende ser o xermolo da futura Academia Literaria de Rianxo, que comprenderá, canda a esta, as casas museo de Dieste e de Castelao.