A Secretaría Xeral de Política Lingüística creará un observatorio da lingua para o deporte. A iniciativa, promovida pola Fundación Azkar e o Club Azkar Lugo de Fútbol Sala, anunciouse onte a coincidir coa presentación do manual de regras de Fútbol Sala na nosa lingua. O observatorio analizará a situación da nosa lingua neste ámbito e e impulsará accións concretas para ampliar o coñecemento e emprego do galego no mesmo. De xeito paralelo a este anuncio, a secretaría anunciou no Parlamento que está a traballar nunha estratexia para que os cargos públicos empreguen o galego e sinalou que en xeral "percibe unha actittude positiva" na maioría dos cargos de cara á nosa lingua.
