Cartel do III Encontros de BD na Mariña
Desde finais do pasado mes de xaneiro, o IES O Perdouro de Burela está a acoller os III Encontros de BD da Mariña. Se ata o de agora estaban dispoñibles as exposicións sobre a presenza da muller no cómic, Atrapados nas viñetas e os carteis que se presentaro para anunciar o evento, a partir da vindeira semana comezan as actividades cos obradoiros de introdución ao guión de BD que impartirá Kike Benlloch. Canda a isto continúan as proxeccións de cinema e o vindeiro 5 de abril un Cómic Sonoro creado polo Departamento de Artes do Instituto Monte Castelo. Unha charla a cargo de Dani Montero fechará o 12 de abril o evento.
