Compostela legaliza o complexo de Otero Pombo en Ponte Sarela

O controvertido proxecto promovido pola empresa Otero Pombo e deseñado por Víctor López Cotelo en Ponte Sarela, Compostela, xa é legal. O Concello, avaliado por un informe da Xunta de Galicia realizou as modificacións na lexislación pertinente que permitirán salvar a construción do derrubamento á que a condeara o Tribunal Superior de Xustiza. A antiga curtiduría conseguira premios intenacionais e fora seleccionada para representar a España en bienais como a de Venecia ou a de Cartaxena de Indias. O proxecto inclúe un hotel con dezaoito suites e un museo no que se exporán 3.000 pezas de carácter etnográfico. Ademais, o conxunto prevé un espazo para amosar pezas de coiro saídas de factorías compostelás, amosando a importancia histórica desta industria na cidade.