A Real Academia colaborará co ILG para realizar a nova gramática do galego

Rosario Alvarez será a coordinadora da nova gramática descritiva do idioma galego que van elaborar en colaboración a Real Academia Galega e mais o Instituto da Lingua Galega. O proxecto, que pretende servir de referencia e definir a forma estándar da nosa lingua, non terá un grande aparello teórico e incluirá abondosos exemplos. De xeito paralelo, as dúas institucións van crear un Dicionario de Apelidos Galegos que coordinará Ana Isabel Boullón e quere contribuír á normalización da lingua na onomástica.