Galicia súmase as celebracións dos 10 anos da Wikipedia

O vindeiro 15 de xaneiro celébrase en todo o mundo o décimo aniversario da Wikipedia. En Galicia tamén se preparan actos para conmemorar a creación deste proxecto de coñecemento aberto. Os responsables da Galipedia, versión no noso idioma da iniciativa orixinal, desenvolverán en Culleredo e en Ribadeo cadansúa sesión de charlas sobre o proxecto e mais obradoiros sobre como engadir e editar as entradas desta enciclopedia. Canda a estes actos, os promotores pretenden completar para esa data 5.000 entradas na nosa lingua.