A Xunta recoñece as Sobreiras do Faro como Espazo Privado de Interese Natural

As Sobreiras do Faro de Viladesuso, propiedade da mancomunidade de montes desta parroquia de Oia, son o primeiro Espazo Privado de Interese Natural que existe en Galicia. A Consellaría de Medio Ambiente acaba de lle conceder este título a unha área de 6,78 hectáras situadas nos montes de Faro e Pousiño, cuberta maioritariamente con sobreiras e carballos. A mancomunidade desenvolveu traballos de limpeza e coidado do contorno e elaborou un plan de conservación. Agora pretende desensvolver na área unha explotación ecolóxica amparada na marca Sobreiras do Faro e abrir varias rutas de senderismo.