Non haberá urbanización onda a Torre de Hércules

A urbanización que o Plan Xeral de Ordenación Municipal prevía na Agra de Santo Amaro, na Coruña, non se poderá construír. A Consellaría de Cultura obrigará a que o Concello recalifique estes terreos ao considerar que o proxecto afecta ao contorno de protección establecido para a Torre de Hércules, xa que está situado a quiñentos metros deste ben patrimonial. Os propietarios do terreo poderán darlle agora calquera uso que non implique a construción de edificios. Na súa resolución, Cultura tamén recomendou reordenar as instalacións deportivas próximas ao faro para evitar o seu impacto visual no mesmo.