Capa de A noite das cacharelas
Os máis famosos habitantes do castro de Baroña, Os Barbanzóns, teñen unha nova aventura nas librarías. Toxosoutos acaba de publicar, logo de cinco anos, a cuarta entrega desta serie de BD guionizada e debuxada por Pepe Carreiro. A noite das cacharelas explica a humorística visión deste autor sobre o xeito no que se celebraba o solsticio de verán na época castrexa. O álbum de 48 páxinas e a toda cor, está dispoñible por 12 euros nas librarías.
