Luís Díaz é seleccionado como fotógrafo oficial de ARCO 2011

Presentáronse preto de 1.600 candidatos pero ao final, un dos catro fotógrafos oficiais da vindeira edición de ARCO será Luís Díaz. Este fotógrafo galego (A Coruña, 1978) será o encargado de retratar o día a día da feira de galerías de arte contemporánea máis importante do Estado. Comparte selección xunto con Héctor Mediavilla, César Merino e Salvador López , os catro seleccionados da iniciativa “Fotoactitud”. O resultado das súas fotografías poderá verse na edición de ARCO de 2012.