Cartel da presentación de A historia xamais contada xamais contada
O Jazz Club Dado Dadá acolle o vindeiro venres 3 de decembro ás 21h a presentación de
A historia xamais contada xamais contada creada e autoeditada por Mariano Casas. O autor contou para a elaboración da obra cunha das axudas á creación de banda deseñada que convocara o pasado ano a Xunta de Galicia, e esta é a primeira BD das que obtivo estes apoios que ve a luz. Na presentación, Casas explicará, con apoio gráfico, as diferentes fases de creación da obra e asinará exemplares da mesma.
