Cultura licita o auditorio de Lugo por un importe de 20 millóns

O consello da Xunta deu luz verde a unha partida de 20 millóns de euros para construír o auditorio de Lugo. O edificio asentarase finalmente no polígono Acea (na zona de Magoi) despois de que a Unesco descartase a solución para situalo no antigo cuartel de San Fernando. A infraestrutura permitirá que Lugo conte cun complexo cultural de máis de 15.000 metros cadrados, con varias salas con aforo para máis de mil persoas. A obra licitarase na primeira quincena de novembro e as previsións iniciais apuntan a que o edificio estará listo en 2014.