Comeza en Vigo a segunda edición de Seisporseis

Desde mañá, 20 de novembro e ata o vindeiro mes de decembro, 18 novos creadores e creadoras galegos e portugueses participarán no Verbum de Vigo na segunda xeira do programa Seisporseis. O encontro artístico interdisciplinar, que coordina a compañía A Artística co apoio da Axencia Galega das Industrias Culturais (Agadic) e a portuguesa Direccão Regional de Cultura do Norte, explorará as relacións entre artes do movemento e mais o teatro e a plástica. En total serán seis expectáculos, cada un deles resultado do traballo de tres artistas.