Detalle do cartel do evento
Seis proxectos da man de 18 creadores emerxentes que traballan arredor da palabra desde perspectivas coma o teatro, as artes plásticas ou as artes do movemento cítanse no Verbum de Vigo este outono. O proxecto 6x6 Punto de encontro comeza hoxe ás 20:30 horas con A palabra falada, un espectáculo de Anabel Gago, Rocío González e Borja Fernández. A eles seguiranos cada xoves á mesma hora diferentes actuacións ata o vindeiro 3 de decembro que buscan achegar novos contidos ao centro e conseguir novos públicos para as artes escénicas.
