Aínda sen aprobar, a Orde Ministerial que regulaba a Lei do Cinema, que recurtaba as máximas axudas ás producións, que fixaba novos mínimos e que se centraba en aspectos industriais, acábase de quedar sen o seu impulsor: Ignasi Guardáns. A ministra Ángeles González Sinde acaba de destituilo como director do Instituto de Cinematografía e Artes Audiovisuais por un proceso de "perda de confianza". O seu substituto é Carlos Cuadros que ata o momento era director da Academia de Cine. Entre os seus retos máis inmediatos será buscar un punto de consenso entre o sector e a administración por mor da polémica orde ministerial que, por outra banda, aínda está sen aprobar.
