Hoxe, Turismo de Santiago presentou o novo web oficial de turismo da cidade. Santiagoturismo.com nace co obxectivo de achegarse máis aos usuarios a través da intensificación das ferramentas 2.0, a creación dunha canle audiovisual ou a activación dun axente turístico que responde ás preguntas dos usuarios a través de Skype, Twitter ou chat. O novo web tamén integra publicacións dixitais, blogs, e mesmo os vídeos das conferencias do Fórum Gastronómico de Santiago. A área de servizo a profesionais do sector turístico tamén obtén novas ferramentas e contidos.
