O sector turístico procura aumentar as posibilidades de negocio a través da tecnoloxía

O turismo busca novas saídas ante a crise. Neste contexto desenvólvese os vindeiros 9 e 10 de decembro o congreso Turismo e Novas Tecnoloxías. Entre os obxectivos destas xornadas que organiza a Consellaría de Innovación e Industria, Turgalicia e Vindeira (a plataforma tecnolóxica das TIC) está darlle a coñecer aos profesionais do sector turístico experiencias prácticas reais coas posibilidades que lles poden ofrecer a aplicación das novas tecnoloxías aos seus ámbitos de traballo. Entre os asistentes ao congreso destaca Enrique Dans, profesor do Instituto de Empresa que falará sobre as accións de promoción e posicionamento na web 2.0.