Matt Mullenweg, o fundador do sistema de blogs Wordpress, ten como lema a seguinte frase: "Code is poetry" (O código é poesía), enfatizando que o software tamén pode ser cultura. A rede social Cabozo presentou hoxe unha iniciativa para visibilizar e acreditar as aplicacións web programadas e escritas en Galicia. Trátase dun selo de libre adopción para aquelas webs "nas cales o seu codigo sexa un 75% orixinal e de desenvolvemento propio ou ben webs baseadas en código xa escrito de orixe galega", aseguran os promotores. O obxectivo dos promotores é "reivindicar que en Galicia tamén somos capaces de facer cousas por iniciativa propia".
