A Noite dos Investigadores achegará a Santiago a importancia da ciencia

Quen ten unha cociña ten un laboratorio. Esta é a premisa dun dos obradoiros cos que o CSIC quere rechar cos estereotipos dos científicos na súa torre de marfil, alonxados da sociedade. Para iso, este venres reúne obradoiros de todo tipo (Arenoglifos. Leva á casa o teu petroglifo, O nunca visto: o pasado baixo o microscopio, Arqueoloxía en 3D, Os segredos da viña, Arqueoloxía nun clic: A Lanzada e Castrolandín, Sal de mesa nos océanos…) xunto cun espectáculo teatral para achegar unha visión máis “amable” da ciencia. A iniciativa chámase a Noite dos Investigadores e é unha proposta da Unión Europea que se desenvolve en 150 cidades de toda Europa.