A Biblioteca González Garcés lanza o seu Club de Lectura de BD

Até o 30 de novembro está aberto o prazo de inscrición para o Club de Lectura de Banda Deseñada da Biblioteca Miguel González Garcés. É a primeira vez que a biblioteca nodal do Estado na Coruña aposta polo cómic para os seus clubes de lectura, que xa os tiña para adultos, de títulos en língua galega e de obras en inglés. Desde o centro escolleron para coordinar esta iniciativa a Henrique Torreiro, experto na materia e colaborador de Culturagalega.org coa súa columna Entre as viñetas. As sesións vanse desenvolver desde o 15 de outubro ao 3 de decembro, presentando títulos como Barrio Lejano e Maus ou as obras vencelladas a Galicia como La tetería del Oso Malayo e As serpes cegas. Segundo Torreiro, trátase dunha escolman de BDs “máis ou menos clásicas e fundamentais que poden enganchar o público que comeza a descubrir” a novena arte. O sistema de funcionamento do club será dinámico e adaptarase ás propostas consensuadas cos participantes.