Malia que inicialmente se cancelara o encontro, ao final a 14 edición do Salón do Cómic de Cangas terá lugar, pero no mes de outubro. Será do 23 ao 30 cando se celebre este encontro que xa ten aberto o prazo de presentación de traballos do habitual certame. Nesta ocasión haberá tres categorías: de 18 a 35 anos (con tres premios de 300, 200 e 100 euros), de 14 a 17 (con premios de 100, 50 e un lote de libros) e o viñeta Xove para menores de 14 anos (premio único dun lote de libros). Os traballos deberán estar en galego e tanto o tema como a técnica é libre.