O Festival de Pardiñas chega esta fin de semana á súa edición número trinta e un. Canteca de Macao, Bellón Maceiras Quinteto ou Xosé Manuel Budiño son algunhas da actuacións que se poderán seguir sábado e domingo nesa localidade. Ademais, mantense a mostra de instrumentos tradicionais, que vai pola edición dezasete. Pola súa banda, a Festa da Carballeira de Zas chega á edición vinte e sete, cun cartel no que destacan, entre outros, Kepa Junquera, Gwendal ou Quempallou.
