Oito proxectos de investigación sobre a memoria histórica galega repartiranse 200.000 euros das subvencións que o ministerio de Presidencia achega a estes fins. En concreto recibirán axudas a Universidade de Santiago, a de Vigo, a Fundación Luís Tilve, a Casares Quiroga, a Asociación Cultura Aberta, o Foro pola Memoria Histórica, a Comisión pola Recuperación da Memoria Histórica da Coruña e o Consello Evanxélico de Galicia. Precisamente unha investigación desta última entidade, centrada na memoria histórica dos protestantes durante a guerra e o franquismo, é a que recibe unha maior contía, con 34.200 euros de apoio.
