A editorial Franouren abre a colección Maldoror de Poesía

Malia a que xa levan varios anos dedicados á tradución e interpretación, foi este verán cando decidiron dar o salto á edición. A editora ourensá Franouren está a presentar por todo o país os primeiros títulos da súa colección de poesía Maldoror. As nosas sombras no xardín de Serralves de Xoán Abeleira e mais O libro dos cans de Estevo Creus son os títulos que estrean este proxecto. A editora presentou tamén recentemente Todo menos o cuiñar, de John Barlow, traducido do inglés.