Cartel do X Manicómicos
As rúas da Coruña recibirán a vindeira fin de semana, 7 e 8 de agosto, unha nova visita do humor dos Manicómicos. Este festival de teatro cómico chega á súa décima edición coa presenza de Pepe Viyuela, Nanny Cogorno, Efe Producións, Los Estrambóticos ou unha mostra dos traballos do Novo Circo Galego. Na presentación do programa, os organizadores denunciaron o perigo no que se atopa a continuidade deste evento pola falta de apoios públicos ao teatro cómico.
