Unha exposición recupera a relación de Seoane cos Libros

A compostelá Casa de Parra acolle desde esta tarde e ata o vindeiro 3 de outubro a exposición Ao pé do prelo. Luís Seoane. Libros: editor e artista gráfico, que organiza a Consellaría de Cultura. Na mostra poden verse case 300 pezas que inclúen libros, catálogos de exposicións, carpetas de gravados e outras pezas realizadas polo artista. Para alén da súa faceta pictórica, Luís Seoane desenvolveu un intenso traballo como deseñador, ilustrador e editor.