An Alfaya faise co premio de Novela por Entregas de La Voz de Galicia

"Unha historia que se alimenta de varias tramas persoais", que de fondo é "un relato sobre a soedade e a incomunicación nos nosos días". Eses son algúns puntos do argumento da nova Novela por Entregas que La Voz de Galicia distribuirá durante o mes de agosto. A escritora An Alfaya gañou o premio (que consta de 6.000 euros e a publicación como folletón en La Voz de Galicia) outorgado por un xurado composto por Luís Ventoso, Xosé Carlos Caneiro, Ramón Loureiro, Luís Pousa e Ramón Nicolás.