O xornalista e escritor Ramón Pernas gañou o premio Letras de Bretaña polo conxunto da súa obra xornalística e literaria. O premio está concedido por unha comisión integrada polos concellos de Ferrol e Mondoñedo, da Diócese de Ferrol-Mondoñedo e do Real Coro Toxos e Froles. O premio foi outorgado por unanimidade. Pola súa banda, Luís Valle Regueiro gañou a VII edición do Premio Caixanova de Poesía cun poemario titulado A caída. O xurado estivo composto por Luís González Tosar, Anxo Angueira, Elvira Riveiro, Miro Villar e Ramón Nicolas, estimou especialmente da obra a "coherencia estética e un equilibrio estrutural próximo ao minimalismo expresivo", así como "o tratamento que fai o autor da poética do íntimo cun suxestivo repertorio simbólico e un rexistro lingüístico contido pero escolleito".
