Revelando a súa faceta de escritor de poesía, Carlos Lema, director editorial de Galaxia, ven de gañar o Premio Johán Carballeira convocado polo Concello de Bueu. O xurado da duodécima edición deste galardón decidiu por unanimidade conceder o premio á obra “O xeito de Freud”, na que Lema repasa a través de douscentos versos a formación da personalidade a través da lingua e como discurso que dá orixe á identidade. O sábado 29 será a entrega do premio en Bueu. En Ferrol, o Premio Letras de Bretaña distinguiu á poeta e membro da Real Academia Galega Luz Pozo Garza polo conxunto da súa obra. O premio, concedido polo Real Coro Toxos e Froles, vai pola súa cuarta edición e en anos anteriores recoñeceu a Darío Xohán Cabana, César Antonio Molina e Ramón Loureiro.
Máis información de Galicia Hoxe e en Diario de Ferrol
