As principais orquestras de baile reúnense en Cea nun festival pioneiro

Unha gran berbena encherá Cea (Ourense) do 3 ao 5 de setembro. As orquestras son as protagonistas da nova aposta do Xacobeo, o Festival Internacional de Orquestras (FIOU). Baixo a fórmula de cinco concertos diarios repartidos en tres escenarios, formacións punteiras tan coñecidas como Sintonía de Vigo, Olympus con outras chegadas de francia (Orquesta National de Barbès) e Venezuela (Billo´s Caracas Boys) ofrecerán o seu repertorio ao público en xeral. O Xacobeo habilitará zonas de acampada de balde para facilitar a asistencia a este encontro que contarás con exposicións, coloquios, mercado e un making off do propio encontro.