Unha compañía galega participa no Festival Mov-s que este ano se fai en Madrid

Pese á súa xuventude o Mov-s é un deses encontros de referencia que sempre achega novidades en canto ás artes do movimento. Organizado polo Mercat de Les Flors de Barcelona na súa terceira edición fai recalada en Madrid. Un ano despois de ter lugar na illa de San Simón (Pontevedra), só haberá unha compañía galega no programa. Trátase de Concerto, Desconcerto, coproducida polo CDG con dirección artística de Alexis Fernández (Círculo de Beas Artes, 11 de xuño ás 20:30 horas). O Mov-s 2010, que terá lugar do 10 ao 13 de xuño, segue fiel ao seu esquema de traballo con xornadas de exhibición, mesas de debate, grupos de traballo e propostas artísticas entre outras actividades.