Xubi
A Fundación Ad Sanctum Iacobum Peregrinatio, vencellada ao Arcebispado de Santiago e dedicada á atención ao peregrino, presentaba onte a que pretende ser nova mascota oficial do Xacobeo. Xubi é un deseño de Alberte Permuy que combina na súa figura o bastón de peregrino e mais a cabaza. Os responsables da fundación anunciaron que parte dos beneficios que se obteñan da mercadotecnia asociada a esta nova figura irán destinados a atender os camiñantes que fagan as Rutas Xacobeas. Polo momento, a Sociedade de Xestión do Plan Xacobeo non adoptou como propia a mascota.
