Vicente Blanco gaña o IV Premio Internacional de Artes Plásticas da Fundación Jove

Entre 356 obras chegadas de todo o mundo, o galego Vicente Blanco é o gañador da cuarta edición do Premio Internacional de Artes Plásticas que concede a Fundación María José Jove. A obra Contrato para paisaxe, de tinta e papel recurtado sobre cartón, conseguíu o beneplácito do xurado e foi galardoado cos 12.000 euros do primeiro premio. Canda el, recoñeceuse o traballo doutros catro artistas (a italiana Alessia Rollo, o granadino José Guerrero, a coruñesa Victoria Diehl e a valenciá Silvia Lerín) aos que a entidade lle mercará obra por importe de 15.000 euros.