Os diferentes tons que adquiren as algas e as cianobacterias que colonizan o granito permitirá coñecer polo miúdo o grado de deterioramento dos monumentos galegos por estas causas. O grupo de investigación de Estudos ambientais aplicados ao patrimonio da Universidade de Santiago acaba de presentar un sistema de análise que permite coñecer ata que punto está afectada a pedra dos edficios históricos e mais o punto do ciclo vital no que se atopan os organismos invasores a partir da cor exacta que presentan. Este método elimina a necesidade de empregar técnicas invasivas que danen estes bens.
