Un peregrino queima a súa roupa en Fisterra. Fonte: ratzalumama en Youtube
"Determinados "costumes" de discutíbel tradición e visíbeis impactos non achegan nada positivo ao patrimonio inmaterial do Camiño e si degradan o marco natural no que se desenvolve", asegura a organización ecoloxista ADEGA nun comunicado remitido hoxe. Prácticas como a queima da roupa, fogueiras ardendo ou plásticos deixados provocan unha degradación dunha das paisaxes "emblemáticas" de Europa. Para solventalo, ADEGA propón unha política de información aos visitantes e peregrinos respecto aos valores ambientais do cabo e a instalación de máis contedores.
