Un seminario analiza como lle afecta a arte as présas e a espectacularización actual

É un seminario sobre estética, pero tamén unha reflexión en voz alta de cómo lle afecta ao discurso artístico as présas, a presión pola novidade e a primacía do visual. Baixo o título de A urxencia do discurso especialistas e expertos en estética afonda como o ritmo actual pode pór en perigo a aqueles discursos que precisan un tempo máis lento e unha ollada máis esixente. Estrella de Diego, Román de la Calle, José Luis Molinuevo e Simón Marchán participan neste encontro que comeza o xoves 29 no Centro Galego de Arte Contemporánea.