Ás 10:00 comeza no CCG o foro O valor crítico dos bens culturais, un encontro que pretende reflexionar desde "unha conciencia colectiva, activa e reflexiva" sobre os bens da cultura e a súa conservación. O primeiro relator será o filósofo Rubert de Ventós, quen reflexionará sobre "Os bens da conciencia crítica" e será retrucado polo arquitecto César Portela e o catedrático da USC Xosé Manuel Beiras. Con posterioridade, o catedrático de Estética e Historia da Arte da UNED simón Marchán reflexionará sobre "Os bens da memoria e da identidade: procesos no local e no global", e será retrucado por Xosé Luís Barreiro, ensaísta e profesor da USC e PedroLópez, profesor da Facultade de Biblioteconomía da Universidade da Coruña.
