Animación infantil, ballet, bandas de gaita, cantautores, grupos de música clásica, majorettes, corais, poetas, teatro... en total 23 seccións que dán acubillo a preto de 1.000 entidades culturais formadas por 30.000 persoas. Este é o catálogo profesional, no que este ano se inclué como novidade unha sección dedicada a público infantil, que posibilita a realización de actividades culturais por toda a provincia de Pontevedra. E todo isto se engloba no Plan Cultural da Deputación de Pontevedra que se presenta esta tarde no Auditorio da Cidade Infantil Príncipe Felipe. En total, destinaranse 600.000 euros (dos que 200.000 foron achegados por Caixanova) a desenvolver actuacións ao longo deste ano.
