O 3 de maio escollerase o anteproxecto gañador que guiará a reforma do Cuartel de San Fernando, en Lugo, para albergar o Museo da Romanización. A Consellería de Cultura informou onte de que ao concurso internacional presentáronse 68 proxectos de intervención no Cuartel. O director xeral do Patrimonio Cultural, José Manuel Rey Pichel, sinalou que "antes do finalizar o 2010 o proxecto do Cuartel estea redactado e presentado, e traballamos co obxectivo de comezar as obras ao longo de 2011".
O Centro da Interpretación e Museo da Romanización é un dos catro Parques Arqueolóxicos cos que contará Galicia. Segundo Rey Pichel, o Parque Arqueolóxico da Arte Rupestre e o da Cultura Castrexa abrirán ao longo deste ano e no caso do Megalitismo da Costa da Morte "superou o primeiro paso" ao aprobar a Xunta a incidencia supramunicipal do Proxecto Sectorial.
